Анықтама-жолсілтемесі

АТЫРАУ ИНЖЕНЕРЛІК-ГУМАНИТАРЛЫҚ ИНСТИТУТЫ СТУДЕНТТІҢ АНЫҚТАМА-ЖОЛСІЛТЕУІШІ БАКАЛАВР

 

5В070800- Мұнай-газ ісі

5В070200-Автоматтандыру және басқару

5В071900-Радиотехника,электроника және телекоммуникация

5В072900-Құрылыс

5В073200-Стнадарттау,метрология және сертификаттау

5В050600-Экономика

5В050900-Қаржы

5В011900-Шетел тілі:екі шетел тілі

5В030400-Кеден ісі

5В060200-Информатика

 

«Студенттің анықтама-жолсілтеуіші» АИГИ  - Атырау, 2014.

Құрастырушылар: Хасанова Ж.С, Ильясова С.Р, Жиенкулова Л.Т

 

Институттың әдістемелік кеңесінде  қаралып, бекітілген

Хаттама  № ___    «_»_______  2014 ж.

 

Берілген анықтама-жолсілтеушіде жоғары оқу орнындағы  оқу-тәрбие үрдісін ұйымдастыру бойынша студенттердің  құқықтары мен міндеттерін анықтайтын Ережелер мен нұсқаулардан үзінділер келтіріліп, қарастырылған.

Анықтама-жолсілтеуші АИГИ студенттеріне арналған.

 

Мазмұны:

  1. Кіріспе
  2. АИГИ оқу ғимараттарының орналасуы
  3. Ректорат
  4. АИГИ факультеттерінің байланыс ақпараты
  5. Сіз ең бірінші нені білуге тиіссіз?
  6. АИГИ-да кредиттік оқыту технологиясы бойынша оқу үдерісін ұйымдастыру                           
  7. Білім беру траекториясын таңдау
  8. Оқу пәніне жазылу тәртібі
  9. «PLATONUS»  автоматтандырылған ақпараттық жүйесі
  10. Білімді бағалау мен бақылау қалай жүзеге асырылады?
  11. Жазғы семестр
  12. Студенттердің құқықтары мен міндеттері
  13. «Студенттер үйінде» тұратын білім алушылардың құқықтары мен міндеттері
  14. Егер Сіз сабаққа қатыса алмай қалсаңыз не істеуіңіз керек?
  15. Студенттерді оқудан шығару процедуралары
  16. АИГИ-дағы  тәрбие жұмысы
  17. Жоғары оқу орнын бітіру туралы құжаттар
  18. Келісу парағы

 

                                              

 

     

ҚҰРМЕТТІ АТЫРАУ ИНЖЕНЕРЛІК- ГУМАНИТАРЛЫҚ ИНСТИТУТЫНЫҢ СТУДЕНТТЕРІ!

 

Сіздің үлесіңізге үлкен құрмет тиді! Сіз Қазақстандағы ең үздік педагогикалық институттардың бірі - АИГИ білімгері болдыңыз. Бұдан былай Сіз 4 жыл бел ортасында болатын біздің үлкен студенттік  жанұяның бір бөлігісіз. Біз Сізді мақтан тұтамыз және Сізге шығармашылық және ғылыми жеңістер тілейміз!

Студенттік  өмір әр түрлі істер мен толғаныстарға толы. Жоғары оқу орнына  түсу кезінде Сізге кездескен қиындықтар – білім шыңына шығу жолындағы қиын да қызықты жолдың басы ғана. Сізді алда кітаптары мен еңбектері Қазақстанға және шетелдерге  белгілі  профессорлар мен оқытушылардан білім алу, алдыңғы қатарлы ғылыми мектептердің жетістіктерімен танысу, ғылыми орталықтар мен мұражайларда жұмыс істеу күтіп тұр. Сіз өзіңізге маман болуға көмектесетін, уақыт өте келе ғылым мен мәдени элита әлеміне қосатын іскерлік пен дағдыға ие боласыз.

Сізге институт өміріне белсене араласады деп сенеміз. АИГИ профессор-оқытушылар құрамы Сіздің студенттік  өміріңіздің сан қырлы болуына барлық жағдай  жасайды. Біз Сіздің  шығармашылық және интеллектуалдық мүмкіндіктеріңіздің іске асуына көмектесеміз.

Бұл анықтама-жол сілтеушіде  біз АИГИ-ның  әрбір студентін қызықтыратын әртүрлі  сұрақтарға жауап беруге тырыстық.

 

АИГИ -ның  ОҚУ ҒИМАРАТТАРЫНЫҢ  ОРНАЛАСУЫ

«Атырау инженерлік-гуманитарлық институты» ұйымының Жарғысы құрылтайшылар жиналысында 2007 жылдың 13-сәуіріндегі  №5 хаттамасымен құрылып,  2007 жылдың 18 қыркүйегінде  Атырау облысының  Әділет Департаментінде  №010340000130 тіркеу нөмері берілді.

Мемлекеттік заңды тұлғаларды тіркеу жөніндегі куәлік  2007  жылдың 18 қыркүйегінде Атырау облысының  Әділет Департаментінде №3853-1915-У-е (серия В №0314542) тіркеу нөмірі берілді.

Қазақстан  Республикасының  салық  төлеушісі куәлігі 2001 жылдың 29 тамызында 15 серия №0004289 (№150100009283 салық салушының тіркеу нөмірі) берілді.

«Атырау инженерлік-гуманитарлық институты» ұйымының статистикалық карточкасының коды ОКПО №39384488 мемлекеттік классификаторы бойынша берілді.  

 

АИГИ оқу ғимараттары Атырау қаласы Худина-5 көшесінде орналасқан.

 

Ректорат

АИГИ-ның ректоры – физика-математика ғылымдарының докторы, профессор, Ихсанов Ерсайын Уалитханұлы  (байланыс телефоны 43-58-06).

Институттың бірінші проректоры – педогогика ғылымдарының кандидаты Мухтаров Мустахим Қаренұлы

Оқу-әдістемелік жұмыстар жөніндегі проректор - педагогика ғылымдарының докторы, профессор Хасанова Жамиляш Садыққызы (байланыс телефоны 42-63-91).

Ғылым, тәрбие және  халықаралық байланыстар жөніндегі проректор –Жаулин Киікбай Мынбайұлы (байланыс телефоны 43-58-08).

Сіз оқу үрдісінде және  жеке басыңызда туындайтын барлық мәселелер бойынша әр уақытта проректорларға баруларыңызға болады.   

 

Тіркеуші офиcі

Тіркеуші офисі – бұл студенттердің оқуда қол жеткізген жетістіктерінің барлық тарихын тіркеумен айналысатын және оның академиялық рейтингісінің есебі мен білімін бақылаудың барлық түрін ұйымдастыруды қамтамасыз ететін академиялық қызмет.

Тіркеуші офисі оқытудың кредиттік жүйесі бойынша  институтта білім алушылардың білім сапасының бақылауын ұйымдастыру үшін және тіркеу процесін оперативті басқару, академиялық жазбалардың қалыптастырылуы мен сақталуы үшін жеке бөлім болып құрылған.

Тіркеуші офисінің бастығы Жиенкулова Ләззат тілеуқызы .

 

Институт факультеттері

 АИГИ -да 2 факульиет, 5 кафедра жұмыс атқарады.

 

 

 

АИГИ ФАКУЛЬТЕТТЕРІНІҢ БАЙЛАНЫС АҚПАРАТЫ

Факультет атауы

№ ауд.

№ тел.

1

Күндізгі оқыту факультеті

312

127

2

Сырттай оқыту факульттеті

201

107

 

Кафедра атауы

Мамандықтар атауы

№ ауд.

№ тел.

1

Экономика және кеден ісі

Қакжы

Экономика

410

124

2

Информатика, автоматтандыру және басқару

Информатика

Автоматтандыру және басқару

405

165

3

Инженерлік пәндер

Мұнай-газ ісі

Радиотехника,электроника және телекоммуникация

Құрылыс

Станадарттау,метрология және сертификаттау

406

123

4

Шет ел тілі

Шетел тілі: екі шет тілі

401

116

5

 Әлеуметтік ізгілендіру және жалпы жаратылыстану

 

409

 

 

Студенттер бөлімі

Студенттер  бөлімінде студенттердің  жеке ісі өңделеді, басқа мекемелерге қажетті құжаттар жіберіледі.

Егер Сізге анықтама, құжаттан көшірме керек болса, студенттер  бөліміне барыңыз. Басқа жоғары оқу орнына ауысуға, қайта қабылдауға құжат дайындау осы студенттер  бөлімінде жүзеге асырылады.

1 курста мемлекеттік грант негізінде  оқитын барлық студенттер шәкіртақы алу үшін банктік карточкасын рәсімдеулері қажет.

 

СІЗ ЕҢ БІРІНШІ НЕНІ БІЛУГЕ ТИІССІЗ?

Сізге АИГИ студенті екеніңізді растайтын студенттік билет беріледі. АИГИ ғимараттарына студенттік билетіңізбен кіруге рұқсат беріледі. Егер Сіз әртүрлі жағдайлармен студенттік билетіңізді жоғалтып алсаңыз, деканатқа барып уақытша рұқсат қағаз аласыз. Студенттік  билет жоғалған жағдайда оның дубликатына тапсырыс беруіңіз керек.

Институтта оқу сабақтары академиялық күнтізбеге сәйкес                                                                                                                                                                                                               жүргізіледі.

Сабақ кестесі бір семестрге жасалады және семестрдің басталуына 10 күн қалғанда ілінеді.

ЖОО-дағы сабақтар мектептегіден өзгешелеу болып келеді. Сабақтың бір сағаты академиялық сағат деп аталады, ол 50 минутқа тең болады.         Әрбір сабақтан кейін 10 минут үзіліс беріледі.

Сабақ кезінде өз бетінше аудиториядан кіріп-шығуға болмайды. Сырт киімді киім шешетін орынға өткізу керек. Сабақ кезінде ұялы телефонды пайдалануға болмайды.

Институтта сабақтарды өткізу үшін әрбір курс оқу ағымдарына бөлінеді.

 

АИГИ-да  КРЕДИТТІК ОҚЫТУ ТЕХНОЛОГИЯСЫ БОЙЫНША ОҚУ ҮДЕРІСІН ҰЙЫМДАСТЫРУ

Институтта оқу үдерісі кредиттік оқу технологиясы бойынша жүргізіледі.

Жаңа терминдер және түсініктермен танысу үшін біз сізге глоссарий дайындадық.

 (Глоссарий) – бұл білім беру үрдерісінде кездесетін жаңа терминдер мен түсініктер.

1) академиялық күнтізбе (Асаdеmіс Саlеndar) - оқу жылы бойына демалыс күндерін (каникулдар мен мерекелерді) көрсете отырып, оқу және бақылау іс-шараларын, кәсіби  практикаларды өткізу күнтізбесі;

2) академиялық кезең (Теrm) - үш нысанның біреуін таңдайтын өз білім беру ұйымының еркімен белгіленетін теоретикалық кезең: семестр, триместр, тоқсан;

3) академиялық мобильдік – білім алушыларды немесе оқытушы-зерттеушілерді белгілі бір академиялық кезеңге: семестр немесе оқу жылына өзге жоғары оқу орнына (ел ішінде немесе шетелде) игерген білім бағдарламаларын міндетті түрде кредит түрінде сынақ ретінде тапсыра отырып өз ЖОО-сында немесе өзге ЖОО-да білімін жалғастыру немесе зерттеулер жүргізу үшін ауыстыру;  

4) академиялық еркіндік – білім беру үрдісінің субъектілеріне оларды таңдау бойынша жиынтық пәндерден, оқытудың қосымша түрлерінен білім мазмұнын дербес анықтау үшін және білім алушылардың, оқытушылардың шығармашылық дамуына және оқытудың инновациялық технологиялары мен әдістерін қолдануға жағдай жасау мақсатында білім беру қызметін ұйымдастыру үшін ұсынылатын білім беру процесі субъектілерінің өкілеттіктер жиынтығы;  

5) білім алушының академиялық рейтингі (Rating) – аралық аттестаттау нәтижелері бойынша жасалатын білім алушының оқу бағдарлама пәнін игеру деңгейінің сандық көрсеткіші;

6) академиялық деңгей  (Degree) – қорытынды аттестаттау нәтижелері бойынша, тиісті оқу бағдарламаларын меңгерген  білім алушыларға білім беру ұйымдары тағайындайтын дәреже; 

7) академиялық сағат кесте бойынша оқу сабақтардың (аудиториялық жұмыс) барлық түрлерi немесе жеке бекiтiлген график бойынша білім алушылардың оқытушымен байланыс жұмысының уақыты;

8) белсенді үлестірмелі материалдар (КҮМ) (Hand-оuts) - білім алушының тақырыпты шығармашылықпен табысты меңгеру үшін оқу сабақтарында таратылатын көрнекі безендірілген материалдар (дәріс тезистері, сілтемелер, слайдтар, мысалдар, глоссарийлер, өз бетінше жұмыс істеуге арналған тапсырмалар);

9) білім алушыларды қорытынды аттестаттау (Qualification Eхamination) - мемлекеттік жалпыға міндетті білім беру стандартында қарастырылған оқу пәндерінің игеру дәрежесін немесе көлемін анықтау мақсатында өткізілетін рәсім;

10) білім алушыларды аралық аттестаттау  - білім алушының емтихан  сессиясы кезеңінде бір пәннің толық көлемін немесе бір бөлігінің мазмұнын аяқтап болғаннан кейін оның игеру сапасын бағалау мақсатында өткізілетін рәсім;

11) білім алушылардың өзіндік жұмыстары (бұдан әрі - БӨЖ) - өз бетінше оқуға берілген, оқу-әдістемелік әдебиеттермен және ұсынымдармен қамтамасыз етілген, тест, бақылау жұмыстары, коллоквиумдар, рефераттар, шығармалар мен есеп берулер түрінде бақыланатын тақырыптардың нақты тізбесі бойынша жасалатын жұмыс; білім алушының санатына қарай ол студенттің өзіндік жұмыстары (бұдан әрі - СӨЖ), БӨЖ-дің  барлық көлемі  білім алушылардан күнсайын  өзіндік жұмыстарды    талап ететін  тапсырмалармен  расталады;

12) білім алушылардың оқудағы жетістігі - білім алушылардың оқу үдерісінде алатын және жеке тұлғаның қол жеткізген даму деңгейін көрсететін білімі, іскерліктері мен дағдылары, құзыреті;

13) білім алушылардың үлгеріміне ағымдық бақылау – академиялық кезең ішінде,  оқытушымен өткізілетін аудиториялық және аудиториялардан тыс сабақтарда білім алушылардың  білімін  оқу бағдарламасына сәйкес жүйелі түрде тексеру;

14) межелік бақылау –  бір оқу пәнінің ірі бөлімін (модулін) аяқтағанда білім алушылардың оқу жетістіктерін бақылау;

15)  білім алушыларды аралық аттестаттау - білім алушылардың бір оқу пәнін оны зерделеп бітіргеннен кейінгі бір бөлігінің немесе бүкіл көлемінің мазмұнын меңгеру сапасын бағалау мақсатында жүргізілетін рәсім.

16) білім алушыларды қорытынды аттестаттау – студенттердің  білім деңгейіне сәйкес мемлекеттік жалпыға міндетті білім беру стандартында көзделген  пәннің оқу бағдарламасын игеру дәрежесін айқындау мақсатында жүргізілетін рәсім;

17) жеке оқу жоспары (бұдан әрі - ЖОЖ) - білім алушымен ҮОЖ және элективті пәндердің каталогы негізінде эдвайзердің көмегімен әрбір оқу жылына дербес жасалатын оқу  жоспары;

18) Еуропалық трансферт (аударым) және несиелік жинақтау жүйесі (ECTS) білім беру траекториясы, оқу орны және оқыту елі ауысқан жағдайда білім алушылардың игерген оқу пәндерін (кредит мен бағаларын  қоса алғанда) салыстыру және қайта сынақтан өткізуде пайдаланылатын білім беру бағдарламалары компоненттеріне сынақ бірліктерін (несие) белгілеу әдісі;    

19) кредит (Credit, Credit-hour) – білім алушының/оқытушының оқу жұмысы көлемін өлшейтін сәйкестендірілген бірлігі;  

20)  кредиттік оқыту технологиясы - білім алушы мен оқытушының оқу жұмысы көлемінің біріздендірілген өлшем бірлігі ретінде кредитті қолдану арқылы, білім алушының пәндерді таңдауы және реттілікпен оқуын дербес жоспарлауы негізінде оқыту;

21)  оқу пәнiне жазылу (Enrollment) – білім алушылардың оқу пәніне белгілі бір  тәртіппен алдын ала жазу рәсімі;   

22) оқу   жетістіктерін   бағалаудың   балдық   рейтингтік  әріптік жүйесі  - халықаралық тәжірибеде қабылданған әріптік жүйедегі сандық эквивалентіне сәйкес келетін және білім алушылардың рейтінгін белгілеуге мүмкіндік беретін  балл түріндегі оқу жетістіктерінің деңгейін бағалау жүйесі;

23) Офис регистратор - білім алушылардың оқудағы жетістіктерінің барлық тарихын тіркеумен айналысатын және білімін бақылаудың барлық түрлерін және оның академиялық рейтингісіне есеп жасауды ұйымдастыруды қамтамасыз ететін академиялық  қызмет;

24) оқытушының басшылығымен жүргізілетін білім алушының өзіндік жұмысы (бұдан әрі - ОБӨЖ) – бекітілген кесте бойынша оқытушының басшылығымен жүргізілетін білім алушының аудиториядан тыс жұмысы;

25) оқу үлгерімінің орташа балы (Grade Point Average - GРА) – (ағымдық оқу кезеңі бойынша кредиттердің жалпы санына қарай аралық аттестаттау пәндерінің балдық бағасының  сандық эквиваленті  мен кредиттер сомасының  қатынасы)   білім алушының таңдаған бағдарлама бойынша бір оқу жылындағы қол жеткізген оқу үлгерімінің таразыланған орташа бағасы; 

26) оқу жұмыс жоспары (бұдан әрі - ОЖЖ) - мамандықтың ҮОЖ және білім алушының жеке оқу жоспары негізінде институт  дербес әзірлейтін құжат;

27) пәннің сипаттамасы (Curse Description) - пәннің мазмұнын, мақсаттары мен міндеттерін, қысқаша нысанды қамтитын пәннің қысқаша сипаттамасы (5-8 сөйлемнен тұрады);

28) пререквизиттер (Рrereguisite) - оқылатын пәнді игеру үшін қажетті білім, икемділіктер мен дағдыларды қамтитын пәндер;

29) постреквизиттер (Роstreguisite) - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

30) пәндер бағдарламасы (Syllаbus) - оқитын пәннің сипаттамасын, мақсаттары мен міндеттерін, оның қысқаша мазмұнын, оның  үйренуі тақырыбы мен ұзақтығын, өзіндік жұмыс тапсырмаларын, кеңес беру уақытын,  білім алушылардың  білімін тексеру кестесін, оқытушы талаптарын, бағалау өлшемдерін  қамтитын оқу бағдарламасы және  әдебиеттер тізімі;

31) транскрипт (Тrаnsсrірt)  – білімді бағалаудың     сандық және әріптік жүйесі бойынша кредиттері мен бағалары көрсетілген тиісті кезеңде өтілген пәндердің тізбесі бар  құжат;

32) тьютор –  студенттің нақты пәнді игеруі бойынша  академиялық кеңесші рөлін атқаратын  оқытушы;

33) үлгілік оқу жоспары (бұдан әрі - ҮОЖ) - білім берудің кәсіптік оқу бағдарламасының оқу пәндерінің тізбесі мен көлемін, оларды оқытудың тәртібін және бақылау нысандарын реттейтін құжат;

34) эдвайзер (Аdvisor) - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы;

35) элективтік пәндер – белгіленген кредит шеңберінде және институт енгізетін таңдау бойынша, білім алушылардың жеке дайындығын көрсететін әлеуметтiк-экономикалық дамытудың ерекшеліктерін және нақты өңірдің, жоғары оқу орындарында ғылыми мектеп пайда болатын қажеттiліктерін есепке алатын   компонентке кiретiн оқу пәндерi.

Оқу үрдісі оқу жоспары, академиялық күнтізбе, сабақ кестесі және студенттің кеңес алу кестесі негізінде ұйымдастырылады.

Академиялық кезең дегеніміз - ұзақтығы 15 аптаға тең семестр.

 

Білім беру траекториясын таңдау

Кредиттік технология бойынша оқу білім алушылардың білім беру  бағдарламасын дербес жоспарлауына, оқудың жеке траекториясын  таңдауына,  өздігінен  білім  алу  деңгейін  арттыруға негізделген.

Білім алушы академиялық жетекшісі - эдвайзердің көмегімен оқу жылға арналған оқытудың жеке траекториясын қалыптастырады.

Білім алушы мамандықтың типтік оқу жоспарында қарастырылған кредиттердің белгілі санына тіркелуі тиіс. Типтік оқу жоспары мен элективті пәндер каталогы негізінде білім алушы жеке оқу жоспарында (ЖОЖ) көрініс табатын кредиттердің қажеті санын ескере отырып міндетті және элективті пәндерді таңдайды. Пәндерді таңдау оқытылуының логикалық бірізділігі есепке алына отырып жүргізілуі тиіс.

 

Оқу пәніне жазылу тәртібі

Пәнді оқу үшін оқытушы мен пәнді таңдау Тіркеуші офисі ұйымдастыратын ресми тіркеу арқылы жүзеге асырылады.

2 және жоғары курс студенттері үшін оқу пәндеріне жазылу наурыз айында басталады.  1 курс студенттері үшін оқу пәндеріне жазылу оқуға қабылданған уақыттан 30 тамызға дейін жүргізіледі.

Таңдау пәндерін анықтау эдвайзердің көмегімен жүзеге асырылады.  Эдвайзер студентті элективті пәндер каталогындағы пәнді презентация әдісімен, әр альтернативті пәннің пререквизиттері және постреквезиттерімен таныстырып, кеңес береді, пәнді таңдауға ұсыныс жасайды.

Пәнге жазылу электронды түрде жүргізіледі. Пәнге жазылу үшін студент өзінің логині мен паролі арқылы арнайы бағдарламаға кіреді.

Тіркеуші офисі және факультет деканаттары қажетті жағдайларда жазылуды қамтамасыз етуге байланысты ұйымдастыру шараларын жүргізіп,  студенттердің курстарға жазылуын қадағалайды.

Студент міндетті пәндер бойынша сабақ жүргізетін оқытушы кандидатурасын таңдауға құқылы.

Тіркеуші офисі оқу-әдістемелік басқарма және факультет деканаттарымен келісе отырып, мамандықтың оқу жоспарына кіретін пәндер үшін студенттердің ең төменгі санын, ал әр оқытушы үшін – академиялық топтардағы студенттер санының жоғары шегін белгілейді

Егер ұсынылған пәнге жазылғандардың саны белгіленген мөлшерден аз болса, онда ол пән жұмыс оқу жоспарына енгізілмейді. Бұл пәнге жазылған студенттер Тіркеуші офисіне жеке жұмыс жоспарындағы өзгерістер туралы тапсырыс беру керек.

Егер бір оқытушыға жазылған студенттер саны белгіленген мөлшерден артық болса, квалификациясы сәйкес келетін оқытушы тағайындалып, қосымша академиялық поток (топ) құрылады.

Білім алушылар өздерінің ЖОЖ-ын құру барысында:

  1. кредиттік оқыту технологиясы бойынша оқу үдерісін ұйымдастыру ережелерімен танысуы;
  2. оқу пәндеріне тіркелудің және ЖОЖ-ға өзгерістер енгізудің белгіленген мерзімдерін сақтауы;
  3. тиісті деңгейдегі білім беру бағдарламасын меңгеру үшін оқу жылында белгіленген кредиттердің кем түспейтін санына жазылуы тиіс.

Ақылы негізде білім алушы төлем қабілеттілігіне, оқу түріне тәуелді, тиісті деңгейдегі оқу бағдарламаларын игеру үшін жеке қабілеттілігін өзінің ЖОЖ-да аз мөлшеріндегі кредиттермен қалыптастыруға болады, сонымен қатар оқу мерзімін ұзартуға болады. 

Білім алушы оқу пәндеріне тіркелу үшін алдынғы семестрде қажетті пререквизиттерін меңгеруі тиіс.  Базалық пәндерді таңдауда білім алушының кәсіптік бағдарын есепке алады. Бірақ білім алушы өзінің жеке оқу жоспарына басқа мамандықтардың базалық блогында көрсетілген пәндерді қалауы бойынша енгізе алады.

Білім алушы ЖОЖ құру үшін және мамандықтың типтік оқу жоспарының талаптарына сәйкес оқу курсын толықтай меңгеруге жауапты болады.

Кафедралар әрбір пән бойынша кредиттері көрсетілген (Syllabus) пәндердің бағдарламаларын дайындап, студенттерге ұсынады.

 

«PLATONUS»  автоматтандырылған ақпараттық жүйесі

2013-2014 оқу жылынан бастап институтта  оқу үдерісін, студенттердің білім алу тарихын, қашықтықтан оқыту, электронды құжат айналымы жүйесі жұмыстарын жүргізуге бағытталған  «Platonus» автоматтандырылған ақпараттық жүйесі орнатылды. Аталған жүйе әрбір қызметкер мен студентке жеке виртуалды кабинетте жұмыс істеуге, өзіне тиісті ақпарат алуға мүмкіндік береді.

Өзінің логині мен парольін қолдана отырып, студент академиялық күнтізбеде белгіленген тіркеу мерзімінде пәндерге жазылады. Студент жеке виртуальді кабинетінде өзі білім алып отырған мамандығының типтік оқу бағдарламасымен, оқытушылардың жеке карточкасымен, пәндердің силлабустарымен танысып, оқытушы мен пәндерді таңдайды.

 

Білімді бағалау мен бақылау қалай жүзеге асырылады?

Студенттердің  білімін бақылау және бағалау баллдық-рейтингтік жүйе бойынша жүзеге асырылады. Баллдық-рейтингтік жүйе аралық және қорытынды аттестацияны өткізуді көздейді. Баллдық-рейтингтік жүйеге сәйкес баллдың 60%-ы ағымдық  бақылауға 40%-ы аралық аттестацияға бөлінеді. Білім алушылардың оқудағы жетістіктері (білімі, іскерлігі, дағдылары мен құзыреті) 100 балдық  шкала бойынша  және төрт балдық жүйе бойынша сандық эквивалентке сәйкес әріптік жүйемен бағаланады (А, А- - «өте жақсы», В+,  В, В- «жақсы», С+, С, С-, Д+, Д, «қанағаттанарлық»,  F – «қанағаттанарлықсыз» баға).

АИГИ-да ағымдық бақылаудың төменгі мәні-53 балл (100 балдық шкала бойынша), аралық аттестацияның төменгі мәні-37 балл  (100 балдық шкала бойынша) болып белгіленген.

Ағымдық және межелік бақылаулар бойынша 53-тен төмен балл жинаған студенттер аралық аттестацияны тапсыруға жіберілмейді.

Аралық аттестациядан 37-тен төмен балл жинап, «Ғ» бағасын алған студенттерге ағымдық және межелік бақылаулар бойынша жинаған баллдарына қарамастан, «қанағаттанарлықсыз» бағасы («Ғ») қойылады.

 Академиялық қарыздарын жою ақылы түрде жазғы семестрде өткізіледі.

Аралық аттестация емтихан түрінде жүзеге асырылады. Емтихандар жазбаша, ауызша және тест түрінде өткізіледі.

Емтиханға келгенде студенттің өзімен бірге емтихан сесиясын тапсыруға жіберілгені туралы деканаттың мөрі басылған сынақ кітапшасы болуы керек.

Ағымдық бақылау және аралық аттестация нәтижелері емтихан тізбесіне енгізіледі.

Студенттерге  емтихан нәтижесі бақылау жүргізілген күні хабарланады.

Білім алушының емтихандағы үлгерімі білімді бағалаудың балдық-рейтінгтік жүйесі бойынша бағаланады. А, А- - «өте жақсы», В+,  В, В- «жақсы», С+, С, С-, Д, Д-, «қанағаттанарлық» ведомостқа және білім алушының сынақ кітапшасына, транскриптке қойылады. «Қанағаттанарлықсыз» F –бағасы  тек қана емтихан ведомостіне қойылады.

Оң бағаны жоғарлату мақсатында қайта тапсыруға рұқсат берілмейді.

Егер студент емтиханға келмеген жағдайда, онда емтихан тізбесіне оның фамилиясының тұсына «келген жоқ» деген белгі қойылады. Егер емтиханға белгілі себептермен келмесе, онда деканат емтиханды  жеке мерзімде тапсыру туралы шешім қабылдайды.

Студент аралық бақылаудың нәтижесімен келіспесе, емтихан тапсырған күні апелляцияға  беруге құқылы.

 

Жазғы семестр

Жазғы семестр ақылы негізде академиялық қарыздарды, оқу бағдарламаларындағы академиялық айырмашылықтарды, сонымен қатар жеделдетілген түрде және қосымша оқу үшін ұйымдастырылады.

Жазғы семестрдің ұзақтығы институт оқу үрдісінің академиялық күнтізбесімен анықталып, 6 аптаны құрайды.

Жазғы семестр білім беру қызметінің келесі түрлерін жүзеге асыруды көздейді:

- мамандықтың жұмыс оқу жоспарлары мен жұмыс оқу бағдарламаларына сәйкес оқу сабақтарының барлық түрлерін қамтамасыз ету;

- білім алушыларға консультация беру;

- студенттің кәсіби ой-өрісін кеңейту мақсатымен институттың мамандықтары бойынша оқытылатын кез-келген оқу курстарын игеруі.

 

Жазғы семестрді өту үшін келесі студенттер қалдырылады:

  • рейтинг-бақылау нәтижелері бойынша емтиханға жіберілмеген білімгерлер;
  • аралық бақылауды «қанағаттанарлықсыз» бағасын алғандар;
  • өткен академиялық кезеңдерде академиялық қарыздары бар білім алушылар;
  • қайта қабылдау, басқа жоғары оқу орнынан ауысу және академиялық демалыстан шығу кезінде академиялық айырмашылықтары бар білім алушылар.

Студенттер жазғы семестрді ақылы негізде оқиды.

Жазғы семестрде қосымша курстарды өту құқығы келесі талаптарды орындаған, үлгеруші студенттерге беріледі:

  • студент келесі курсқа академиялық қарызсыз көшірілуі керек;
  • топ рентабельді болу керек, яғни кем дегенде 5 адамнан тұруы тиіс;
  • қосымша оқу курстарының саны білімгердің жылдық  GPA деңгейімен анықталуы тиіс. «В және жоғары» деңгейдегі GPA 4 қосымша курстарды (8 кредиттен аспауы керек); «В -» деңгейдегі GPA 3 қосымша курстарды (6 кредиттен аспауы керек); «С» деңгейдегі GPA 2 қосымша курстарды (4 кредиттен аспауы керек) тыңдауға құқық береді.

Жазғы семестрді рәсімдеу регламентке сәйкес жүзеге асырылады:

  • студент жазғы семестр сессиясының басталуына дейін Тіркеуші офисіне жазғы семестрге қатысу ниеті туралы дәлелді өтінішін тапсырады;
  • тіркеуші офисі мәселе оң шешілген жағдайда, жазғы семестрдің сабақ кестесін құрастырады және оны оқу-әдістемелік жұмыстар жөніндегі проректормен бекітеді. Сабақ кестесі жазғы семестрге қатысатын оқытушылардың жұмыс бастылығын есепке ала отырып құрастырылады;
  • мамандықтың оқу жоспарынан тыс пәндер бойынша студенттердің білімін қорытынды бағалауды жазғы семестр кезеңінде дәріс оқыған оқытушы жүзеге асырады.

Жазғы семестр кезеңінде игерілген мамандықтың оқу жоспарындағы пәндер бойынша емтихан нәтижелері келесі оқу жылының GPA құрайды.

Өту баллы (GPA) төмен болған, жазғы семестр мен аралық бақылау нәтижелері «қанағаттанарлықсыз» болған жағдайда білім алушыға қайта оқу құқығы беріледі.

Жазғы семестр нәтижесі бойынша «қанағаттанарлықсыз» бағасын алған немесе өту GPA-ын жинамаған студент мемлекеттік білім грантынан айрылады.

Қайта оқу тек қана ақылы негізде жүзеге асырылады.

Өз еркімен оқудан шыққан студент қайта оқудан бас тарта алады. Бұл жағдайда студент институт ректорының атына өз еркімен оқудан шығару туралы өтініш жазады.

 

СТУДЕНТТЕРДІҢ  ҚҰҚЫҚТАРЫ  МЕН МІНДЕТТЕРІ

Құрметті студенттер! Республикамыздың болашағы  - сіздердің қолдарыңызда. Болашақ мектептің қандай болатындығы Сіздің кәсіби біліктілігіңіз бен жұмыс істеу құштарлығыңызға байланысты. Сондықтан Сіз өз міндетіңізді толық білуіңіз керек.

АИГИ студенттерінің құқығы:

-          ҚР «Жалпы әскери міндеттер және әскери қызмет туралы» Заңына сәйкес күндізгі бөлімде оқитын студенттерді әскер қатарына шақыруды кейінге қалдыруға.

-          факультет кеңесі мүшелігіне студенттерді ұсынуға;

-          өз тобының өміріндегі мәселелер бойынша әкімшілік және қоғамдық ұйымдарға ұсыныс жасауға;

-          арнайы шәкіртақы тағайындауға кандидаттар ұсынуға.

АИГИ студенті  міндетті:

-                өзі таңдаған мамандығы бойынша теориялық білімді, практикалық дағдыны және зерттеудің қазіргі заманғы әдістерін игеруге;

-                өзі таңдаған мамандығы бойынша белгіленген уақытта оқу жоспарын орындауға;

-                оқу сабақтарына қатысуға және белгіленген уақытта оқу жоспары мен бағдарламада қарастырылған тапсырмалардың барлығын орындауға;

-                өзінің практикалық дайындығын жақсарту үшін еңбек етуге, өз мамандығының бейімі бойынша жұмысшы мамандығын игеруге, кәсіби практикалардың тапсырмалары мен бағдарламаларын орындауға;

-                болашақ маман ретінде студенттің дайындық сапасын көтеруге ықпал ететін кафедраның ғылыми-зерттеу жұмысына, студенттердің  ғылыми-зерттеу орталықтарының жұмысына, олимпиадаларға, ғылыми-техникалық конференцияларға және басқа да іс-шараларға қатысуға;

-                өз мәдени дәрежесін көтерумен айналысуға, Қазақстан Республикасы мен өз қаласының тарихын, әлем және отандық мәдениетті, халықтың салт-дәстүрін, мәдениеті мен өнерін, этика мен эстетиканы оқуға.

 

«СТУДЕНТТЕР  ҮЙІНДЕ» ТҰРАТЫН БІЛІМ АЛУШЫЛАРДЫҢ ҚҰҚЫҚТАРЫ МЕН МІНДЕТТЕРІ

Білімгерлер үйінде тұратын білім алушыларға  сабаққа дайындалуға, демалуға, мәдени-тәрбие және көпшілік спорт жұмыстарына  қажетті барлық жағдай жасалған.

Студенттер  үйінде тұратындардың құқығы:

-          Студенттер  үйінің оқу және мәдени-тұрмыс бөлмелерін, құрал-жабдықтарды, мүліктерді пайдалануға;

-          өз уақытында жөндеу жұмыстарын жүргізуі немесе құрал-жабдықтарды, мүлікті, төсек-орынды ауыстыруды, тұрмыстық қамтамасыз етудегі ақауларды жоюды талап етуге;

-          «Студенттер үйінің» студенттер  кеңесін сайлауға және оның құрамына өзін сайлауға;

-          «Студенттер үйінде» тұратындардың тұрғын үй-тұрмыс жағдайын тәрбие және бос уақытты ұйымдастыру жұмыстарын ұйымдастыруды, жатын бөлмелерді безендендіруді жетілдіру мәселелері бойынша шешім қабылдау үшін білімгерлер Кеңесіне қатысуға;

Студенттер үйінде тұратындардың міндеттері:

-          Студенттер үйінің ішкі тәртібін, электр приборларын қолдануда техника қауіпсіздігінің ережелерін қатаң сақтауға, электр энергиясы мен суды үнемді пайдалануға;

-          ЖОО-ң меншігіне ұқыпты қарауға, жатын және қоғамдық тұтыну бөлмелерінде тазалық сақтауға, жатын бөлмелерді күн сайын тазалауға;

-          Студенттер үйінде төсек-орынды пайдаланғаны және ақылы түрдегі басқа қызмет көрсету түрлері  үшін төленетін ақыны өз уақытында төлеуге.

Студенттер  үйінен шығару келесі жағдайда жүргізіледі:

-          академиялық үлгермеуіне немесе ЖОО бітіргеніне байланысты институттан шығарылған жағдайда;

-          Білімгерлер үйінде тұру ішкі тәртібінің ережелерін бұзған жағдайда.

 

ЕГЕР СІЗ САБАҚҚА ҚАТЫСА АЛМАЙ ҚАЛСАҢЫЗ НЕ ІСТЕУІҢІЗ КЕРЕК?

Егер Сіз сабақтан белгілі себептермен қалсаңыз, онда келесі күні бұл туралы факультет деканына хабарлауыңыз керек.  Институтқа бірінші келген күні сабақтан қалу себебіңізді анықтайтын мәлімет беруіңіз қажет.

Егер Сіз ауырып қалсаңыз,  ауырғаннан кейінгі үш күннің ішінде №1 студенттер емханасынан анықтама алып, факультет деканына өткізуіңіз қажет.

 

ЕГЕР СІЗДЕ ҚАНДАЙ-ДА БІР МӘСЕЛЕ ТУЫНДАСА, ОНДА СІЗ БАРА АЛАСЫЗ:

Тәлімгеріңізге → деканға → деканның оқу жұмысы мен тәрбие жұмысы жөніндегі орынбасарларына → проректорларға → РЕКТОРҒА

 

СТУДЕНТТЕРДІ  ОҚУДАН ШЫҒАРУ ПРОЦЕДУРАЛАРЫ

Студенттерді оқудан шығару процедурасы институт ректорының бұйрығымен жүзеге асырылады.

Студенттерді оқудан шығару себептері төмендегідей болуы мүмкін:

- студенттің өз еркі бойынша;

- студенттің  оқу ақысы туралы келісім- шарттарының орындалмауы;

- студенттің  бір жоғары оқу орнынан екіншісіне ауысуы;

- жоғары оқу орнының Жарғысын орындамау (соның ішінде, тәртіп пен студенттің  моральдық кодексін бұзу).

Жоғары оқу орнынан шығарылған студентке  белгіленген үлгідегі академиялық анықтама (транскрипт) беріледі.

               

АИГИ-дағы  ТӘРБИЕ ЖҰМЫСЫ

Жоғары оқу орнында  тәрбие жұмысы ең маңызды орын алады, себебі мұнда болашақ мұғалімдер, сынып жетекшілері, тәрбиешілер дайындалады.

ЖОО-дағы тәрбие жұмысының басты мақсаты - жалпыадамдық құндылықтарды құрайтын қоғамдық-мәдени акты ретіндегі сабақтан тыс уақытты алғанда оқу пәндеріне, оқу уақытына деген қатынасы ғана емес, тұлғаның өзі таңдап алған кәсібіне деген қатынасты қалыптастыру болып табылады.

 Егер Сіз белсенді болсаңыз, әлемді танығыңыз келсе, адамдарды көріп, өзіңізді көрсеткіңіз келсе, онда Сіздің орныңыз АИГИ-да, себебі осы жерде көркемөнерпаздар шығармашылығына жаппай қатысуға барлық жағдай мен мүмкіндік жасалған. Сіз өз мүмкіндігіңізді тек қана АИГИ-да іске асыра аласыз. Сол себептен сіз үшін студенттік өміріңіз ең бақытты кезең болады: әр түрлі ән мен би конкурстарына қатыса аласыз, қалалық және республикалық (КВН) фестивальдарға бара аласыз. КТК командасының мүшесі бола отырып, Сіз республиканың көптеген қалаларындағы ойындарға барасыз. Мүмкін, Сіз спортты ұнататын шығарсыз? Өте тамаша. Бізде керемет спорт кешендері, тамаша жаттықтырушылар бар, олар Сізге өзіңізді спорт әлемінде көрсетуіңізге көмектеседі.

Тамаша билеуге, кәсіби ән айтуға, сахнада өзіңізді еркін ұстауға, керек десеңіз, бүкіл республикаға әйгілі болуға Сізге қосымша педагогикалық мамандық факультеті көмектеседі.

 

ЖОҒАРЫ ОҚУ ОРНЫН БІТІРУ ТУРАЛЫ ҚҰЖАТТАР

Оқытудың барлық кезеңінде оқу жоспарындағы барлық пәндер бойынша емтихандарды «А», «А-», «В+», «В», «В-»  бағаларына тапсырған және қорытындысында 3,5-тен төмен емес үлгерімінің орта баллын алған (ҮОБ), сондай-ақ бітіру жұмысын  жұмысы мен мемлекеттік емтиханды «А» немесе «А-»  бағаларына қорғаған және тапсырған  жоғары оқу орнының бітірушісіне үздік диплом беріледі (әскери дайындықтың бағасын есептемегенде).

Диплом қосымшасына (транскрипт) оқу жоспарындағы пәндер, теориялық курста алған бағалар, практикалық пәндер, курстық жұмыстар, оқу және өндірістік тәжірибелер бойынша тапсырылған сынақтар, бітіру (диплом) жұмысының тақырыбы, мемлекеттік емтихандардың және диплом жұмысын қорғаудың бағалары қойылады.

 

ПАЙДАЛАНЫЛҒАН ӘДЕБИЕТТЕР ТІЗІМІ

 

1. Закон Республики Казахстан «Об образовании» от 7 июня 1999 г. № 389-1 с изменениями и дополнениями, внесенными в соответствии с законами РК от 11.06.2001 г. № 207-II; от 09.07.2004 г. № 597-II; от 31.01.2006 г. №125- III; от 27.07.2007 г N 319-III.

2. Типовые правила деятельности организаций, реализующих образовательные программы высшего профессионального образования, утвержденные постановлением Правительства  Республики Казахстан от 2 марта 2005 г. № 195;

3. Правила перевода и восстановления обучающихся в организациях образования, дающих начальное профессиональное, среднее профессиональное и высшее профессиональное образование, утвержденные приказом Министерства образования и науки Республики Казахстан от 9 декабря 2008 года N 638;

4. Типовые  правила проведения текущего контроля успеваемости, промежуточной и итоговой аттестации обучающихся утвержденные  приказом Министра образования и науки РК от 18 марта   2008 года  № 125,  с изменениями (приказ Министра образования и науки РК  от 13 апреля  2010 года № 168, зарегистрирован в Министерстве юстиции РК от 17 мая  2010 г.  № 6236;  приказ Министра образования и науки РК  от   1 ноября  2010 года № 506, зарегистрирован в МЮ РК за № 6640 от 18.11.2010 года; приказ Министра образования и науки РК от 16 марта 2011 года № 94, зарегистрирован в МЮ РК за № 6900 от 25.04.2011 года).

5. Правила организации учебного процесса по кредитной технологии обучения от 20 апреля 2011 года №152;

6. ГОСО РК 5.03.008-2006 «Система образования Республики Казахстан. Контроль и оценка знаний в высших учебных заведениях. Основные положения». Дата введения 2007.09.01;

7. Основы кредитной системы обучения в Казахстане. Под общей редакцией Ж.А.Кулекеева, Г.Н. Гамарника, Б.С. Абдрасилова.- Алматы, 2004.

8.  ГОСО РК 5.04.019 – 2011 «Высшее образование. Бакалавриат. Основные положения» от 17 июня 2011 г. № 261

.

Келісу парағы

 

Қызметі

Аты-жөні, тегі

Қолы

Мерзімі

Келісілді:

Оқу-әдістемелік жұмыстар жөніндегі проректор

Хасанова Ж.С

 

 

Оқу бөлімінің бастығы

Ильясова С.Р

 

 

Әзірленді:

Тіркеуші офисінің бастығы

 

Жиенкулова Л.Т