2017 жылғы ұлттық бірыңғай тестілеудің (ҰБТ) жаңа форматына сәйкес пәндер бойынша online байқау сынағы қызметі іске қосылды.
Тестілеу келесі пәндер бойынша өткізіледі:
1-блок:
Математикалық сауаттылық – 20 тапсырма
Оқу сауаттылығы – 20 тапсырма
Қазақстан тарихы – 20 тапсырма
2-блок:
1 бейінді пән – 30 тапсырма
2 бейінді пән – 30 тапсырма
Байқау сынағынан өту кезінде оқушы ҰБТ-да пайдаланылатын тест тапсырмаларымен танысуға және таңдаған пәні бойынша білім деңгейін тексеруге мүмкіндік алады.
Қазақстан Республикасы білім беру ұйымдарында білім деңгейіне тестілік бақылау жүргізу кезіндегі қосымша қызметтердің бекітілген бағалар Прейскурантына сәйкес, онлайн байқаусынағының бағасы – 260 теңге. Тестілеуге төлемді «Халық банкі» немесе «Қазпошта» АҚ бөлімшелері арқылы төмендегі реквизит бойынша жасауға болады:
ҚР БҒМ «Ұлттық тестілеу орталығы» РМҚК
010011 Астана қ., Жеңіс даңғылы, 60
РНН 600300086081
БИН 000140001853
ИИК KZ536010111000001515
БИК HSBKKZKX
КБЕ 16
«Қазақстан халық банкі» АҚ
Түбіртектерде міндетті түрде – «Онлайн байқау сынағы үшін төлем» деп көрсету керек.
Төлем жасалғаннан кейін түбіртектерді ҰТО филиалына тапсыру қажет. Филиал қызметкерлері онлайн байқау сынағынан өткісі келгендерді тіркеп, пароль береді. Пароль алғаннан кейін оқушы интернет желісіне қосылған кез-келген компьютерде отырып, білімін тексере алады.
ҰТО филиалдары республиканың барлық облыс және аудан орталықтарында орналасқан. Олардың мекен жайы көрсетілген тізімін Ұлттық тестілеу орталығының сайтынан қарауға болады.